MLG - Maacher Lycée Grevenmacher

Presentatioun Ben Thuy

De Paléontolog Ben Thuy vum Naturmusée (MNHN) war rezent am MLG op Besuch. Hie koum fir de Schüler*inne seng spannend Aarbecht am Beräich vun der Paléontologie méi no ze bréngen an hinne säi perséinleche Werdegang ze erklären. Seng Präsentatioun war informativ an inspiréierend – d‘Schüler*inne waren ganz begeeschtert an hu vill Froen gestallt. Eng flott Geleeënheet, fir méi iwwert d’Fuerschung an déi faszinéierend Welt vun de Fossilien ze léieren!

"Sorbäh" huet et gepackt!

Déi lescht Méint huet d’Mini-Entreprise Sorbäh zesumme mat der Pâtisserie Schiltz iwwer 1000 Dëppercher Sorbet aus Anti-Gaspi Uebst hiergestallt an e groussen Deel dovu scho verkaaft.

Gëscht war déi grouss Finall wou déi 16 bescht vun 117 Entreprisen dem Public an dem Jury nach emol konnte weise wat si d‘ganz Jaar iwwer geleescht a geléiert hunn.

Sorbäh aus dem MLG konnt iwwerzeege mat hirem Éiergäiz, der héichwäerteger Qualitéit vum Produit awer virun allem hirer klorer Missioun.

Dofir goufen si direkt mat 2 Präisser belount:

Den „Responsible Consumption Award“ an den „Public Choice Award“ konnten si mat op Maacher bréngen. Dëst weist dass en nohaltege Projet net just wichteg ass mee och beim Public gutt ukënnt.

Merci jidderengem dee Sorbäh op hirer Rees ënnerstëtzt huet.

"Babel heureuse" mat der 6P1

Den 21.Mee huet d’Klass 6P1 am Kader vum Kulturrallye 2025 a Begleedung vum Danielle Ewen a Brigitte Laschette d’Ausstellung „Babel heureuse“ am Luxembourg City Museum besicht.

D’Ausstellung huet de Schülerinnen a Schüler interessant Ablécker an d’Thema vun der Méisproochegkeet an der kultureller Diversitéit ginn, déi op eng spannend Aart a Weis gewisen an erkläert gouf.

Nieft der Visitt vun der Ausstellung hunn d’Schülerinnen an d’Schüler och vill Informatiounen iwwert déi verschidden handwierklech Beruffer kritt, déi am Musée ausgeübt ginn. Sou krute si d’Aufgaben vun engem Techniker, Usträicher, Plotter an Elektriker méi no bruecht. D’Klass krut deemno e gudden Abléck an d’Aarbechtswelt hannert de Kulisse vun engem Musée.

D’Visitt war eng wäertvoll Erfarung fir eis Schülerinnen a Schüler, well se kulturellt Léiere mat berufflecher Orientéierung verbonnen huet.
Mir soen dem Luxembourg City Museum villmools Merci fir dëse flotte Moien.

Visite vum Fromburger Haff

Am Kader vum engem Projet zum Thema Regional Kachen an Inklusioun hunn d’Schüler vun der CLIJAA-Klass zesumme mat der Optioun Kachen, de Fromburger Haff besicht.
D’Schüler konnte wärend dëser Visite Déiere vum Haff wéi Kéi oder Kanéngercher upaken an hu spannend Ablécker an de groussen Ubau vu Geméis an Uebst um Haff kritt.
Fir d’Schüler aus der CLIJAA-Klass, déi aus verschiddene Länner kommen, war dëse Besuch eng flott Geleeënheet, déi lëtzebuergesch Kultur an d’Landwirtschaft aus der Géigend besser kennenzeléieren.

A la découverte de l’esprit livre

Le 28 avril 2025, une dizaine d’élèves des classes de 7C1 et 7C2, passionnées de lecture, ont eu l’opportunité de visiter la librairie Ernster, accompagnées de leurs professeures de français Nadja Schoellen et Sophie Stelet. Cette sortie a permis à ces lectrices curieuses de plonger dans l’univers du livre et, de découvrir de nouveaux ouvrages.

Les élèves et leurs enseignantes tiennent à remercier le libraire Laurent pour ses conseils de lecture palpitants qui ont su nourrir leur envie de lire.

Maacher Lycée

Méi no bei Iech

Presentatioun Ben Thuy

"Sorbäh" huet et gepackt!

"Babel heureuse" mat der 6P1

Visite vum Fromburger Haff

A la découverte de l’esprit livre

Galeries Photos

Cours du soir

Guide iPad

Contactez-nous:

Événements futurs:

Vacances d'été

Date: 16-07-2025

Toute la journée

BTS - Vacances d'été

Du: 16-07-2025 au 15-09-2025

Toute la journée