MLG - Maacher Lycée Grevenmacher

Visite zu Konz (GER) bei Volvo Construction Equipment (17.11.2025 )

Mir kruten hei no enger Präsentatioun iwwert de Volvogrupp an de Standort Konz och eng Iwwersiicht, wéi eng Ausbildungen ee bei Volvo maache kann, dëst vum Industriemechaniker, bis hin zu Masteraarbechten an den Ingenieurswëssenschaften.

Dono kruten mir eng Visite duerch hir 2 Produktionsstroossen, wou Sie Radlader a Baggeren hierstellen. Dëst vum Ufank, wou de Rahmen geschweesst ginn ass, bis zur fäerdeger Maschinn, déi dann nom duerchlafen vu verschiddenen Statiounen um Enn vun der Produktionsstroos aus der Hal erausgefuer ass.

D'Schüler kruten hei en Abléck, wou d'Asatzfelder vun den Industriemechaniker, genau esou wéi fir eis GIG Schüler no z. B. engem Ingenieursstudium kainnten sin. Och kruten Sie d'Méiglechkeet gebuede fir kenne Stagë bei Volvo zu Konz ze maachen.

D'Visite wor ganz interessant an informativ.

Lëtzebuerger Arméi am Maacher Lycée

De 26. November waren 2 Vertrieder vun der Lëtzebuerger Arméi am Maacher Lycée. D’Schüler haten d’Méiglechkeet sech op hirem Stand iwwer déi verschidde Carrière bei der Arméi ze informéieren an natierlech och deen een oder anere Gadget mat Heem ze huelen.

« Michel Majerus - Next Step »

D'Klassen 1GSO1 an 1GSO2 waren de 24.11.25, am Kader vun hirem Cours Arts et Culture, mat hire jeweilegen Enseignanten Cindy Di Nicolo a Stéphanie May, an a Begleedung vum Här Michel Kohl an der Madame Conny Mérenne de Film “Michel Majerus - Next Step” (Samsa Film) an de Kulturhuef zu Gréiwemaacher kucken.

D'Séance selwer hat ca. eng Stonn gedauert. No der Projektioun konnten d'SchülerInnen nach eng hallef Stonn mat der Realisatrice Anne Schiltz iwwert dem Kënschtler säi Wierk, d'Recherchen an d'Dréiaarbechten dozou, an awer och iwwert hiren eegene beruffleche Parcours diskutéieren. D'SchülerInnen, déi eng Rei ganz interesséiert Froen un d'Réalisatrice haten, hunn dee Moie sécherlech hir Allgemengwëssen am kulturelle Beräich erweidert.

Den Dokumentairefilm, den 2021 rauskoum, portraitéiert de Kënschtler Michel Majerus, den de 4. November virun 23 Joer beim Luxair-Accident ëm d'Liewe koum. Dofir gi säit enger Rei Joren déi divers Facette vu sengem Wierk op internationalem Niveau beliicht, wat dozou geféiert huet, dat och den Interessi fir dëse ganz gelongene Film gewuess ass. E krut 2023 de lëtzebuerger Filmpräiss.

De SchülerInnen hir zweet Semesteraufgab an der Arts et Culture baséiert op dem Inhalt vu "Next Step": Bild- an Textelementer aus der digitaler Konsumwelt nei an enger Acrylmolerei mat expressive Pinselstrécher kombinéieren, mam Ziel, dës Aarbechten zesummen am Lycée auszestellen.

Op des Manéier liewt dem Michel Majerus säi Wierk weider, d'SchülerInne setzen hei de "nächste Schrëtt".

D’Kannerrechter stinn am Mëttelpunkt , fir eis Kanner hei an op der ganzer Welt.

Eis Ofschlossklassen aus der DAP-Education haten d’Méiglechkeet, un engem spannende Workshop vu UNICEF deelzehuelen. Den Atelier war net nëmme léierreich, mee huet och vill wichteg Ablécker an d’Thema Mënscherechter a besonnesch d’Kannerrechter ginn.

An hirer zukünfteger Aarbecht als agent socio-pédagogique kréien dës Rechter eng zentral Bedeitung. Eis Schüler*innen léieren, wéi si sech an Zukunft mat Kompetenzen an Empathie fir d’Rechter vu Kanner asetzen kënnen.

E grousse Merci geet un Rebecca a Michèle fir hire kompetente, inspiréierenden an dynamesche Bäitrag zu der Aarbecht vun UNICEF.

Vistt an der Nationalbibliothéik

"Vun all de Welten, déi de Mënsch erschaf huet, ass déi vun de Bicher déi Gewaltäschst." (Heinrich Heine)
Dëst Zitat konnten d’Schüler*innen vun der 3GSO1 den Freideg, 28.11., an eiser impressionanter Nationalbibliothéik op en neits entdecken an erliewen.

Bei enger spannender a ganz informativen Visit hu si net nëmmen de Liessall an de Roude Raum kennengelernt ,an deem si ganz al a wäertvoll Dokumenter däerften gesinn, mee och en Abléck an den Häerzstéck vun der Bibliothéik krit: do wou d’Bicher gelagert, geuerdent an erhalen ginn.

D’Verständnis dovun, wéi eng Bibliothéik funktionéiert, spillt am SCHUS-Unterrecht eng wichteg Roll, besonnesch wann et dorëms geet, déi éischt kleng virwëssenschaftlech Aarbecht ze schreiwen.

E Gebai mat Androckt an eng Bichercollectioun, déi begeeschtert.

E grousse Merci un d’BNL fir déi lieweg an inspiréierend Féierung!

Besichtegung vun der Sendeanlag Jonglënster

Klassen vun der Electro-Technologies vum Maacher Lycée hu mat hiren Enseignant den 29.Oktober Sendesation vuJonglënster besicht. Den Eugéne Muller huet selwer Joerzéngten um Site zu Jonglënster geschafft a kennt Anlag besser wéi seng eegen Täsch. Mir hu mathim eng Rees duerch lëtzebuergesch Rundfunkgeschicht zu Jonglënster gemaach anhu geléiert wéi eng relevant Roll Lëtzebuerg an dem europäeschen Rundfunk gespillt huet.

Mir kruten erkläert, dass vu Jonglënster aus den Radio iwwert Ultrakurzwellen, Kurzwellen, Mittelwellen an Langwellen iwwerdroe gouf. Iwwert Langwellen konnt bis 2023 den Radio Luxembourg a groussen Deeler vun Europa gelauschtert ginn. Aus Energiekäschte misst e leider ofgeschalt ginn.

Och wann de Langwellensender net mei a Betrib ass, hu mer geléiert, dass de Site zu Jonglënster nach net wech ze denken ass an nach ëmmer eng prägend Roll am nationalen sou wei internationalen Rundfunk ass. Weiderhin sinn eng sellechten Antennen zu Jonglënster aktiv an suergen dofir, dass weltwäit Mënschheet vu Radio, Fernseh an Internet profitéiere kennen.

Dono kruten mir eng gross Unzuel vun ënnerschiddlechen Antennentypen mat hiren Eegenschafte gewisen, déi e soss am Alldag net zu gesi kritt. Hei konnte mer den theoreteschen Deel vun der Telekommunikatioun praktesch erliewen an kenneléieren.

Am Numm vun de Schüler an Enseignant vum Maacher Lycée soe mer dem Eugéne Muller an BCE villmools merci vir en Abléck iwwert de Rundfunk zu Lëtzebuerg krut ze hunn, datt war definitiv e léierräich an eemoleg Erliefnes.

Maacher Lycée goes Studentefoire

Och dëst Joer huet d‘cellule d’orientation (CELLO) aus dem Maacher Lycée, nierwt enger Studieninformatiounsprésentatioun, nees eng Visite vun der Studentefoire um Campus Belval fir déi interesséiert 1ère’s SchülerInnen organiséiert.

D’Editioun 2025 vun der Studentefoire huet de 30. an 31. Oktober 2025 statt fonnt. Déi zwee Deeg hunn méi wéi 150 Exposanten aus insgesamt 17 Länner d'SchülerInnen vun den Ofschlossklasse iwwert d’Studieméiglechkeeten, d’Studenteliewen an déi berufflech Perspektiven informéiert.

Och eis Representanten vun dem BTS AMA (assistant médico-administratif) aus dem Maacher Lycée haaten ee Stand wou sech interesseiert SchülerInnen informeieren konten.

Visite „Europe Experience“ (5P1)

Den 12. November hunn d’Schüler vun der 5P1 sech zesumme mat hirer Régente op de Wee op de Kierchbierg gemaach, fir méi iwwert d’Europäesch Unioun gewuer ze ginn. Heivir hu si sech d‘Ausstellung „Europa Experience“ am Europaparlament ugekuckt a konnten u verschiddenen interaktive Statiounen méi iwwert d’Fonctionnement an d’Standuerter vum Europaparlament souwéi d’Memberlänner vun der Europäescher Unioun gewuer ginn.

Si goufen awer och drun erënnert, dat et keng Selbstverständlechkeet ass , an engem demokratesche Land wéi Lëtzebuerg ze liewen – engem Land, dat sech duerch Stabilitéit, Wuelstand a Fridden auszeechent.

Maacher Lycée

Méi no bei Iech

Visite zu Konz (GER) bei Volvo Construction Equipment (17.11.2025 )

Lëtzebuerger Arméi am Maacher Lycée

« Michel Majerus - Next Step »

D’Kannerrechter stinn am Mëttelpunkt , fir eis Kanner hei an op der ganzer Welt.

Vistt an der Nationalbibliothéik

Besichtegung vun der Sendeanlag Jonglënster

Maacher Lycée goes Studentefoire

Visite „Europe Experience“ (5P1)

Galeries Photos

Cours du soir

Guide iPad

Contactez-nous:

Événements futurs:

BTS - Clôture des inscriptions aux examens et épreuves supplémentaires - semestres d'été/hiver - Promos 24 et 25

Date: 12-12-2025

Toute la journée